Obradoiro ‘Fóra de Xogo’ no CPI Atios de Valdoviño

As aulas do CPI Atios de Valdoviño acollían na mañá deste venres o obradoiro «Fóra do xogo» sobre micromachismos no deporte.

A educadora social Iria García e Sonia Fernández, alumna en prácticas do ciclo superior de Promoción da Igualdade de Xénero no IES Leixa, eran as encargadas de impartir o taller, que coa colaboración do centro educativo, estivo dirixido ao alumnado de 4º curso da ESO. Nel, ofrecéronse as claves para identificar os micromachismos e algunhas ferramentas para combatilos aplicando a perspectiva de xénero no ámbito deportivo.