O Outlet de Fene regresa esta fin de semana coa participación de 17 establecementos locais

5 marzo, 2026 Comentarios desactivados en O Outlet de Fene regresa esta fin de semana coa participación de 17 establecementos locais 2,002 Vistas

A programación inclúe a actuación musical de Galiza Sound Machine o venres e o sábado pola tarde. 

Archivo-Concello de Fene

O Concello de Fene impulsa unha nova edición do Outlet de Fene, que se celebrará os días 6, 7 e 8 de marzo, coa participación de 17 establecementos comerciais do municipio. A iniciativa desenvolverase nos propios locais participantes, que ofrecerán produtos en condicións especiais durante tres xornadas.

O horario do Outlet será de 10.00 a 13.30 horas e de 17.00 a 20.00 horas o venres e o sábado, e o domingo de 11.00 de 13.30 horas. Nesta edición participan os seguintes comercios: MasSport, DaMa, Bualá, El Baúl de Bego, Lencería Loly Calvo, Costuras, Calzados Locay, Mayka Moda, Koralli Boutique, Jomer, Kenia, Berline, A Tenda Agasallos, Dani Reparaciones y Complementos, Cáprica Comics y Juegos, Arrecendo e Luale114.

A concelleira de promoción económica, Ángeles Coira, sinalou que “o Outlet é unha oportunidade para dinamizar o comercio local e incentivar as compras de proximidade, ofrecendo á veciñanza produtos de calidade a prezos atractivos”. A edil anima á veciñanza a “percorrer os establecementos participantes e apoiar ao pequeno comercio, que é unha peza clave na vida económica e social do concello”.

Como complemento á actividade comercial, o Outlet contará coa actuación musical de Galiza Sound Machine, que actuará o venres e o sábado en horario de tarde, contribuíndo a crear ambiente nas rúas comerciais.

Desde o Concello de Fene convídase á veciñanza a participar nesta nova edición do Outlet e a apostar polo comercio de proximidade. A iniciativa está subvencionada pola Deputación da Coruña e enmárcase nas accións municipais de apoio ao comercio local e de dinamización económica.

Lea también

El Supremo anula la autorización de un eólico en Moeche al no analizar los efectos con parques cercanos

El Tribunal Supremo ha anulado la autorización administrativa del parque eólico Moeche, en la provincia …