Galicia Ártabra Digital Noticias de Ferrol y la comarca de Ferrolterra.
O canteirán do Triatlón Ferrol disputa este domingo a proba clasificatoria en Soria.
O ferrolán Iván Puentes compite esta fin de semana, en Soria, no clasificatorio para o campionato de España de dúatlón coa aspiración de acadar o billete para a cita nacional. O canteirán do Club Triatlón Ferrol atópase nun gran estado de forma no referente á carreira a pé e, por outro lado, as chuvias deste inverno non lle permitiron adestrar o tempo desexado en bici.
Á cita, pendente de entrar desde a lista de espera, acude tamén o seu compañeiro de club Manuel Pozuelo e contará entre os participantes co campión do mundo español Javier Martín.
A proba dará comezo este domingo ás 10:30 horas no estadio de atletismo de Los Pajaritos e disputarase nun percorrido de 5 km de carreira, 20 km de ciclismo e 2,5 km a pé.
