O BNG de Narón insiste en que Augas de Galiza xestione directamente a EDAR de Prioriño

O Bloque Nacionalista Galego de Narón insiste en que sexa Augas de Galiza a que xestione directamente a EDAR de Cabo Prioriño, como xa está a facer noutras perto de trinta infraestruturas de todo o país ao abeiro do artigo 32 da Lei de Augas de Galiza, aprobada no ano 2010 e segundo consta no decreto posterior, de 2012, polo que se aproba o regulamento do canon da auga e do coeficiente de vertedura a sistemas públicos de depuración de augas residuais e que veñen substituír o antigo “canon de saneamento”.

Nestes intres, Narón non está a pagar polo uso da EDAR e a proposta do BNG é que se faga a través do coeficiente de vertedura e non dunha taxa municipal. Villamar lembrou que as encomendas de xestión da Xunta ao Concello de Ferrol e de este a Emafesa remataron a súa vixencia en xuño de 2016 e que ata abril deste ano non se aprobou no pleno de Ferrol, se ben non foi até o 1 de agosto cando se asinou o acordo entre a Xunta e o Concello veciño . “Entre esas dúas datas”, explicou Villamar, “algo que é competencia da Xunta, como é a ordenación do ciclo integral da auga de uso urbano e o establecemento das bases para unha xestión eficiente dos servizos de abastecemento, saneamento e depuración, estívoo a prestar dun xeito irregular Emafesa”.

O BNG lembra que desde o primeiro momento se opuxo á fórmula artellada polo Goberno do Estado e a Xunta de Galiza no convenio para a construción e explotación dos colectores e interceptores da marxe dereita da ría (2012) por ser terribelmente gravosos para a veciñanza de Narón. Así, cómpre lembrar que entre as cláusulas abusivas que consideran os nacionalistas, atópase o feito de que o Estado non puxera nin un só euro malia ser unha intervención declarada de interese xeral en 1997 e de que repartirá entre a Unión Europea (80%), Augas de Galiza (10%) e os Concellos de Narón e Ferrol (10%) o financiamento da devandita infraestrutura. “En ningunha das obras declaradas naquela altura de interese xeral se lles repercutiu aos veciños coste ningún”, sinalou o portavoz municipal, Pablo Villamar.

A organización nacionalista considera igualmente “escandoloso” que naquel acordo se derivase cara aos Concellos o gasto das obras que non estiveran rematadas a 31 de decembro de 2015, “unha situación insólita e que supón un novo agravio comparativo para o Concello de Narón”. Tampouco avalou o sistema de encomendas establecido trala posta en marcha da depuradora, polas que o Estado lle entregou á Xunta a xestión da EDAR, esta fixo o propio co Concello de Ferrol e este con Emafesa.

Nós o que queremos”, insistiu Villamar, “é que sexa a Xunta, a través de Augas de Galiza, a que se faga cargo da xestión da EDAR, como fai noutros moitos municipios do país, e que sexa este organismo o que cobre o coeficiente de vertedura. Iso sería o xusto”, rematou

Lea también

Almorzo para recadar fondos para o Centro de Recursos Solidarios de Narón

Unhas 250 persoas acudirán este sábado 30 á comida organizada para recaudar fondos para o …

Un comentario

  1. No sé que organismo o ente es «Augas de Galiza». Hasta donde yo sé, es «Augas de Galicia», por mucho que se empeñe el Bloco en decirlo como quiera.