Exposición de debuxos de Marcos Real Rivas na Casa da Cultura de Fene

A mostra Miradas distintas en diferentes lugares, do artista coruñés Marcos Real Rivas, exponse na Casa da Cultura de Fene ata o vindeiro 20 de abril.

A exposición recolle unha trintena de debuxos de pequeno formato realizados en tinta e acuarela. Poderá visitarse en Fene ata o vindeiro 20 de abril en horario, de luns a venres, de 10:00 a 13:00 horas e de 16:00 a 21:00 horas, e os sábados, de 10:00 a 13:00 horas.

Marcos Real Rivas (A Coruña, 1973) cursou estudos na escola de Artes e Oficios Pablo Picasso de A Coruña. Realizou as suas primeras exposicións no ano 1999 e, dende aquela, leva participado en perto dun cento de mostras, tanto individuais coma colectivas.