Galicia Ártabra Digital Noticias de Ferrol y la comarca de Ferrolterra.
O concello de Ferrol conta con máis de máis de 50 ascensores e montacargas, 22 portas automáticas e 26 portalóns.
A Xunta de Goberno local aprobou a proposta de adxudicación do Servizo de mantemento de aparellos elevadores e portas automáticas e motorizadas Lote 1 á empresa TK Elevadores España, S.L.U, polo prezo anual de 48.684,11 euros/ano. “Estes aparellos deben contar, para o seu correcto funcionamento, cun contrato de mantemento en vigor, e tamén deben ser sometidos a inspección periódicas”, manifestou o alcalde, José Manuel Rey Varela.
A empresa adxudicataria realizará o servizo de asistencia permanente -durante os 365 días do ano e en xornada de 0:00 a 24:00 horas- de todas as avarías que se produzan en calquera aparato elevador, porta ou verxa automática ou portalón motorizado incluídos no presente contrato.
A presenza do servizo técnico da empresa, no caso dunha avaría, deberá facerse efectiva nun tempo máximo de dúas horas a partir do momento da comunicación, e a reparación da avaría será como máximo dun día laborable, contado a partir da recepción do aviso, salvo causas xustificadas. No caso de rescate, a atención debe ser inmediata, non deben tardar máis de 30 minutos en chegar á instalación.
O novo servizo conta, tamén, con mantemento de portas automáticas e monitorizadas, que nunca se incluiran dentro dun contrato de mantemento, polo que o único que se lles facía era reparacións puntuais, e presentaban a diario problemas de funcionamento.
En total, o Concello de Ferrol conta con máis de 50 ascensores e montacargas, 22 portas automáticas e 26 portalóns eléctricos. O prazo de execución do contrato será de dous anos.
