María Rivas presenta en Miño os talleres de educación afectivo sexual

A subdelegada do Goberno na Coruña,  María Rivas, visitou esta semana o Centro Público Integrado Castro Baxoi  no concello de Miño, para presentar os PRIMEIROS TALLERES DE EDUCACIÓN AFECTIVO SEXUAL DESTINADOS á PREVENCIÓN DA VIOLENCIA NA INFANCIA E NA  ADOLESCENCIA, E NOS QUE PARTICIPAN 50 ALUMNOS DO CENTRO.

A subdelegada estivo acompañada por María Catalina Morado Fariña, 1ª  tenente de alcalde responsables das áreas de educación, cultura,  comunicación, transparencia e Igualdade; o Director do centro Juan  Luís García;  a xefa da unidade da violencia sobre a muller da  provincia da Coruña, Manuela Vilaboy, e o Director Territorial de  Educación da Xunta.

Os talleres teñen como principal obxectivo TRABALLAR NA PREVENCIóN DE  TODO TIPO DE VIOLENCIAS, FOMENTANDO O BENESTAR ENTRE A INFANCIA E  ADOLESCENCIA. Trátase de dotar ao alumnado de ferramentas para previr,  detectar, coñecer, e chegado o caso, enfronta as situacións de  violencia.

O Informe anual da Comisión fronte á Violencia nos nenos e adolescentes  2022-2023, recompila os datos a nivel estatal do  Rexistro Central de información sobre a violencia contra a infancia e  a adolescencia (RCIVIA). Segundo o RCIVÍA EN 2015 REXISTRáRONSE 13.818  CASOS, CON UNHA TAXA DE INCIDENCIA DE 165,8 CASOS POR CADA 100.000  MENORES DE 18 ANOS; NO ÚLTIMO ANO DISPOñIBLE QUE é 2021, OS CASOS  ASCENDEN A 21.521 CON UNHA TAXA DE 338,6 CASOS POR CADA 100.000  PERSOAS MENORES DE 18 ANOS.

Falamos por tanto dun INCREMENTO DE 7.703 CASOS EN 6 ANOS, UN  CRECEMENTO EXPONENCIAL DE MáIS DE 1.200 CASOS ANUAIS, chagando a  duplicarse a taxa de incidencia.

Na mesma liña están os datos recollidos no seu último INFORME pola  FUNDACIÓN ANAR -informe de referencia para as entidades-; as agresións  sexuais detectadas polo Tfno./Chat ANAR aumentan un 55,1% nos últimos  5 anos; POR CADA CASO EN 2008, REXISTRÁRONSE 4,5 EN 2023. O PRINCIPAL  MODO DE AGRESIÓN PRODÚCESE DE FORMA PRESENCIAL, UN 91,5%.

O PERFIL DAS  VíTIMAS E MARCADAMENTE FEMININO: NUN 78,7%  DOS CASOS TRáTASE DE NENAS  E MULLERES ADOLESCENTES. O perfil do agresor é home, maior de idade,  da contorna da vítima, onde o 50,3% son membros da súa propia familia.  AS TECNOLOXÍAS ESTÁN IMPLICADAS NUN 43,9% DOS CASOS, con fenómenos  como o grooming ou o sexting non consentido.

A subdelegada indicou que con estas cifras, DENDE AS ADMINISTRACIóNS  TEMOS QUE FACER TODO CANTO ESTE A NA NOSA MAN PARA TRABALLAR NO ÁMBITO  DA PREVENCIóN, ESPECIALMENTE NA INFANCIA E NA ADOLESCENCIA XA QUE É O  MOMENTO DE DOTAR áS RAPAZAS E RAPACES DAS FERRAMENTAS PARA COÑECER,  DETECTAR E ENFRONTAR AS POSIBLES SITUACIÓNS DE VIOLENCIA; QUE DE  PRODUCIRSE MARCARÁN TODA A SÚA EXISTENCIA. “Temos que tratar de chagar  antes, de detectar a tempo, e de ofrecer ás vítimas e a súas familias  todo o noso apoio”.

Rivas informou que, estes talleres ENMáRCANSE DENTRO DAS ACTIVIDADES  PROGRAMADAS POLA SUBDELEGACIÓN NA CORUÑA ARREDOR DO 25 DE NOVEMBRO,  DíA INTERNACIONAL DA ELIMINACIÓN DA VIOLENCIA CONTRA A MULLER, xa que  é obxectivo do Goberno é traballar para construír unha sociedade máis  xusta, máis igualitaria e libre de todo tipo de violencias,  especialmente as violencias contra as mulleres, as nenas e nenos.

Neste sentido, a subdelegada recordou que contamos coa LEI ORGÁNICA  10/2022, DE GARANTÍA INTEGRAL DA LIBERDADE SEXUAL (LOGILS), que contén  medidas específicas para garantir a protección dos nenos menores de dezaoito anos fronte ás violencias sexuais; e a LEI  ORGÁNICA 8/2021, DE PROTECCIÓN INTEGRAL á INFANCIA E A ADOLESCENCIA FRONTE á VIOLENCIA (LOPIVI), QUE POSIBILITA ACTUAR DESDE UNHA  APROXIMACIÓN INTEGRAL, TENDO EN CONTA A NATUREZA MULTIDIMENSIONAL DOS  FACTORES DE RISCO E AS SÚAS CONSECUENCIAS. No marco da LOPIVI o  goberno está a levar a cabo a estratexia de erradicación da violencia  sobre a infancia e a adolescencia.

Nos talleres, que hoxe se desenvolven en Miño, pero que proximamente  chegarán a outras localidades da provincia, o alumnado aprenderá a  coñecerse, entenderse e respectarse a si mesmos.

Abordaranse nos aspectos biolóxicos, emocionais e relacionais do  corpo, incluíndo a percepción corporal e a saúde sexual.  Fortaleceranse conceptos como a empatía, a escoita activa e o respecto  nas relacións interpersoais. Falarase das relacións amorosas, de  parella, a sexualidade, os mitos sobre o amor e o consentimento serán  tratados de maneira integral. E abordarase a violencia sexual e  perigos nas Redes Sociais e a pornografía.

A subdelegada informou que ESTA ACTIVIDADE LEVARASE A CABO EN  COLABORACIÓN CON ABUSO E MALTRATO INFANTIL NO-GALICIA (AMINO_GAL),  unha entidade sen ánimo de lucro fundada en 2014, que traballa  fundamentalmente na prevención, detección e asesoramento en situacións  de violencia cara á infancia e adolescencia; ofrecendo apoio ás  familias e ás vítimas a través da atención por parte de profesionais  de diversos ámbitos relacionados coa infancia e a adolescencia.