O Campus Industrial de Ferrol acolle a presentación do último libro de Alberto Sucasas

O Salón de Actos Concepción Arenal do Campus Industrial  de Ferrol acolle este martes 9 de abril, ás 19:30 horas, a presentación do libro Mayorguiana. Pensamiento y teatro en Juan Mayorga (Col.Estética &Crítica – 49, 2023) escrito polo profesor de Filosofía da Universidade da Coruña, Alberto Sucasas.

Alberto Sucasas

O acto estará presidido pola vicerreitora do Campus de Ferrol e Responsabilidade Social, Ana Ares, e presentado polos escritores Pilar Berrio e Antonio Polo.

Ao longo da publicación, o profesor da Facultade de Humanidades e Documentación do Campus Industrial de Ferrol, Alberto Sucasas, indaga no diálogo existente entre a filosofía e o teatro na produción literaria do membro da Real Academia Española (RAE) e Premio Princesa de Asturias das Letras en 2022, Juan Mayorga.

Na primeira parte do libro abórdase unha visión de conxunto da interacción entre o pensamento e a dramaturxia. Na segunda, analízase unha escolma de prezas teatrais. E, na terceira e ultima parte, Alberto Sucasas afonda na faceta do dramaturgo madrileño como ensaísta.

O libro, editado polo Departamento de Publicacións da Universitat de Valencia, está dispoñible para consulta en sala e préstamo na Biblioteca da Facultade de Filoloxía e na da Facultade de Ciencias da Educación no Campus da Coruña así como na Biblioteca da Casa do Patín no Campus Industrial de Ferrol.

Lea también

Entradas para os espectáculos fin de curso en Narón das Escolas Culturais

As entradas para poder ver os espectáculos de fin de curso das Escolas Culturais Municipais …