As Somozas licita as obras da senda peonil que une A Toca con Pena de Eiriz

O Concello das Somozas acaba de sacar a licitación o proxecto de construción dunha senda peonil na estrada AC-861 da Toca, no que investirá máis de 115.000 euros, e que conformará o último tramo e a unión entre a senda da Toca e a senda de Pena de Eiriz.

Esta intervención, financiada pola Deputación da Coruña, contempla a realización desta travesía peonil de 400 metros de lonxitude e 1,80 metros de ancho. Ademais, previamente á execución do pavimento contémplase a canalización e arquetas con sumidoiro para recollida de augas pluviais e para a instalación de luminarias e iluminación pública. 

A actuación tamén recolle a instalación dunha varanda en aceiro inoxidable para optimizar e reforzar a seguridade viaria.

O alcalde, Juan Alonso, subliña “continuamos mellorando as comunicacións e infraestruturas do municipio e dando resposta ás necesidades da nosa veciñanza”.

Con esta actuación “seguimos mellorando a seguridade viaria da nosa vila, co obxectivo de que tanto os vehículos como os peóns que discorren por elas conten cun espazo axeitado e seguro”, rematou.

Lea también

Escola Museo Vivo da Ramalleira de Valdoviño participa en Portugal en unas jornadas sobre recuperación de memoria escolar

El escritor Antón Cortizas, integrante del grupo de trabajo que impulsa la recuperación del centro …