Numeroso público asiste ó concerto de Laura LaMontagne en Valdoviño

A contorna da praia de Vilarrube foi escenario este pasado xoves á noite do marabilloso concerto da intérprete Laura LaMontagne.

Numeroso público asistía á actuación, na que poesía e música, música e poesía, foron un todo. Laura LaMontagne rompeu barreiras entre a palabra escrita e a palabra cantada.

Acompañando as súas bases e voz co impresionante violín de Sara Ember, creou unha atmósfera onde o tradicional e o moderno coexistiron e se enriqueceron mutuamente, xuntando o mundo académico coa cultura urbana.