A campaña «Toponimízate» chega a Valdoviño

 

A campaña «Toponimízate» que impulsa a Secretaría Xeral da Lingua co apoio da Real Academia Galega chegou a Valdoviño para continuar concienciando á cidadanía sobre o valor cultural da toponimia galega e a necesidade de implicarse na súa recolleita a través da plataforma «Galicia Nomeada», da que deu boa conta o coordinador técnico do Seminario de Onomástica da Real Academia Galega, Vicente Feijoo Ares. Unha marabilla de charla na que o experto tamén analizou a orixe da toponimia local.