O Ciclo Mestre Mateo trae a Valdoviño a longametraxe “Honeymoon”

Programada para as persoas participantes nas aulas de estimulación cognitiva, Cultura abre o pase ao público en xeral maior de 12 anos.

Dentro do Ciclo Mestre Mateo, o auditorio da casa da cultura de Valdoviño acolle este xoves a proxección da longametraxe «Honeymoon».

Será a partir das 11 horas, e aínda que a concellería de Cultura programou a sesión para os veciños que participan semanalmente nas aulas de estimulación cognitiva, como parte da programación, abre o pase ao público en xeral, maior de 12 anos, interesado no filme.

Dirixida por Enrique Otero, conta entre os seus actores e actrices principais con Javier Gutiérrez, Nathalie Poza, María Vázquez, Silvia Sirui, Fernando Albizu, Antonio Durán «Morris» e Pablo Derqui. A cinta aborda a historia de Eva e Carlos, un matrimonio en destrución, só unidos polo fillo que un día tiveron xuntos.