Galicia Ártabra Digital Noticias de Ferrol y la comarca de Ferrolterra.
O Concello de Cerdido celebrou este sábado unha nova edición do “Día do Maior”. O encontro tivo lugar na área recreativa de O Castro e reuniu numerosa veciñanza nun ambiente de convivencia interxeracional.
A programación incluíu a obra teatral da Rede Cultural, Teatro Migallas: “Falemos coma galegas”, unha chocolatada para todas as persoas asistentes e a actuación musical do Dúo Boreal, que puxo o broche á xornada. Realizouse ademáis un sorteo de plantas de Pascua doadas por Invernadoiros Cupeiro.
O Concello destacou a colaboración da Asociación de Mulleres Rurais de Cerdido “AlbarQuercus”, cuxo compromiso e implicación resultaron fundamentais para o éxito da celebración.
