Galicia Ártabra Digital Noticias de Ferrol y la comarca de Ferrolterra.
Neda pechaba na mañá do domingo 27 a programación das súas Xornadas Literarias adicadas a Castelao cun espectáculo de “Polo Correo do Vento” dirixido aos máis pequenos da casa. Unha actividade coa que achegar a figura dun dos grandes intelectuais galegos do século XX a nenas e nenos a través da palabra, do debuxo e da música.
O narrador Enrique Mauricio, o músico Antón Ke co seu ukelele e o ilustrador Carlos Taboada contaron, cada un ao seu modo e coa súa arte, unha historia baseada no relato “O negriño Panchito”.
Moitos guiños a Neda e sempre buscando a complicidade do público, conseguiron que o pasasen en grande aprendendo. Ademais, a actividade completábase cun obradoiro no que pequenos e maiores realizaban a súa propia ilustración de Castelao, cuns resultados moi notables.
