Galicia Ártabra Digital Noticias de Ferrol y la comarca de Ferrolterra.
Na Estrada AC-112, ao seu paso pola parroquia de Pedroso «hai varios sinais na vía deteriorados como por exemplo o do paso de peóns que se atopa á altura da farmacia, o que supón un perigo para os viandantes xa que os condutores de vehículos non saben que existe este paso de peóns até que se atopan enriba do mesmo».
Desde o BNG instaron por rexistro ao goberno municipal «a que traslade estas deficiencias á Deputación, propietaria da estrada, ao mesmo tempo que lle solicitan que revisen outras eivas que poidan existir no concello e as arranxan ou llas trasladen ás administracións correspondentes». “O concello é a administración máis próxima ás veciñas e veciños e quen ten que velar porque as infraestruturas se atopan en óptimas condicións”, indica Olaia Ledo, portavoz municipal.
Ao mesmo tempo desde o BNG tamén fixeron chegar á Deputación, a través da deputada provincial Cristina García, esta situación da estrada de Pedroso para que poñan solución.
