Galicia Ártabra Digital Noticias de Ferrol y la comarca de Ferrolterra.
Coincidindo coa primeira xornada de FOLGA no sector das residencias privadas e centros de día, a CIG informa da manifestación e posterior concentración que as traballadoras do sector van realizar este xoves 10 de abril en Ferrol.
A saída está prevista ás 11.00 horas desde os locais sindicais da CIG en Ferrol e percorrerá a Avenida de Esteiro ata chegar ao centro DomusVi Ferrol, sobre as 11.30 horas, onde permanecerán concentradas durante media hora aproximadamente.
O motivo desta concentración «é demandar un convenio digno e con dereitos que garanta que os servizos e coidados que prestamos ás e ós usuarios sexan de calidade. Tamén queremos facer unha denuncia pública das nefastas condicións nas que estamos a desenvolver o noso traballo», declaran no seu comunicado os medios .
