A Deputación cofinancia coa UDC os proxectos Green Power e First Lego League no Campus de Ferrol

A entidade provincial aporta 48.000 euros para cofinanciar as actividades realizadas por ambos proxectos no 2024, con base no Campus industrial de Ferrol da Universidade da Coruña. 

O presidente da Deputación da Coruña, Valentín González Formoso, e o reitor da Universidade da Coruña, Ricardo Cao, asinaron o convenio de colaboración para o financiamento dos proxectos Green Power e First Lego League, cuxas actividades se desenvolveron en 2024 no Campus Industrial de Ferrol. O orzamento total desta programación é de 60.000 euros, do que a entidade provincial aporta un 80% dos fondos.

Por unha banda, apóianse as propostas realizadas ao longo deste exercicio ao abeiro do proxecto Green Power, que consistiron no desenvolvemento dun vehículo a partir do kit desta iniciativa na Escola Politécnica de Enxeñaría de Ferrol (EPEF), o desenvolvemento de actividades formativas e de visibilización, ou a posta en marcha de carreiras.

Ademais, fináncianse as actividades realizadas con relación á First Lego League 2024, un programa de ámbito internacional que desafía á mocidade a resolver problemas do mundo real relacionados con temas como a reciclaxe, a educación ou as enerxías renovables.

Neste senso, o Campus industrial de Ferrol acolleu este ano a décima edición do evento a nivel galego, na que participaron un total de 43 equipos e máis de 300 mozos. No 2025, ademais de celebrar este certame, acollerá no mes de marzo a final estatal.

Lea también

Leonor Bermejo, Jefa de Protocolo del Ayuntamiento de Ferrol, recibió la Cruz del Mérito Naval

El almirante Jefe de Estado Mayor de la Armada, almirante general Antonio Piñeiro Sánchez , …