O Campus Industrial de Ferrol amosa todo o seu potencial no Congreso ModiñaLab

 
O director do Campus Industrial da Universidade da Coruña, Marcos Míguez, participou, este venres 8 de novembro, no II Congreso ModiñaLab que tivo lugar no Centro Municipal de Empresas Accede Papagaio da Coruña. Baixo o título «Campus Industrial de Ferrol: Fábrica de Talentos«, Míguez presentou o máster en Tecnoloxía Téxtil e Moda Sostible, titulación que se imparte desde este curso 2024/25 na Escola Politécnica de Enxeñaría de Ferrol (EPEF), e grao en Xestión Industrial da Moda, vinculado á Facultade de Humanidades e Documentación.
 
Tamén aproveitou a súa intervención para salientar boa parte das iniciativas emprendedoras nadas no campus ferrolán baixo o paraugas da Universidade da Coruña a través do Programa Explorer, en colaboración co Santander, ou do I Concurso Iniciativa Emprendedora, xunto coa Fundación Ronsel, entre outras iniciativas.
 
Onte, xoves 7 de novembro, a Fundación Luis Seoane da Coruña acolleu a primeira sesión deste II Congreso ModiñaLab, organizado polas empresas Galicia de Moda e Diesemn Events & Management. O programa desta xornada incluíu unha mesa de debate sobre sustentabilidade na que participaron a coordinadora do máster en Tecnoloxía Téxtil e Moda Sostible, Elena Arce, e a profesora do grao en Xestión Industrial da Moda, Vanessa Mato, xunto co xastre e propietario de Sastorial, Alejandro Freire, e o propietario da mercería La Crisálida, Ramón Santos.

Lea también

Ferrol contará con una nueva ordenanza de Ruídos

Las infracciones por incumplimiento de la ordenanza pueden ir desde los 60 euros hasta los …