Galicia Ártabra Digital Noticias de Ferrol y la comarca de Ferrolterra.
Boas sensacións e resposta do público na primeira edición do Gadis Longboard Festival de Ferrol, a primeira das tres probas da WSL (Liga Mundial de Surf Profesional) en Galicia este verán 2024 e que se está la disputar nesta fin de semana na praia da Fragata, en Covas.
Este venres 14 tiña lugar a presentación institucional do evento na pequena cidade do surf instalada estes días no camping das Cabazas. O alcalde de Ferrol, José Manuel Rey Varela, subliñou que “o surf xa forma parte do skyline da cidade”, para reeditar a aposta do Concello por unha competición de longboard, a modalidade máis clásica do deporte, que se desenvolve “na nosa casa” e que “chegou para quedarse”.
Desde a Xunta, a delegada territorial Martina Aneiros, salientou que xa é habitual que Galicia, en particular a comarca de Ferrolterra, figure “nun lugar destacado no mapa do surf, nun evento que vai máis aló do deportivo”, mentres que o vicepresidente da Deputación da Coruña, Xosé Regueira, puxo o acento en que “o surf é un recurso turístico estratéxico para Galicia”.
A Directora Xeral de Igualdade da Xunta, Maria Quintana, visitou o Espazo Corresponsables. como un recurso que permite a conciliación durante o evento ao tempo que se promove o ocio activo, inclusivo e igualitario. O espazo estará aberto para a rapazada de 10 a 14 e de 16 a 20 horas sábado e domingo para nenas e nenos de 4 a 16 anos de balde cunha chea de actividades.
Pola súa banda, Rob Gunning, o manager tour da WSL en Europa, fixo fincapé en que logo de percorrer o mundo, os eventos que teñen lugar en Galicia, como o Abanca Pantinclassic Galicia Pro ou o Cabreiroá Junior Pro Razo, non teñen nada que envexar aos que se desenvolven noutros puntos do planeta. O presidente da Federación galega de Surf, Román Díez, agradeceu a WSL aposta por esta disciplina “para que fique moitos anos en Ferrolterra”.
Maria Eimil, representante de Gadisa, que da nome a competición, expresou a vontade da empresa de seguir apostando por unha proba coa que comparten valores como “deporte, vida saludable e respeto polo medio ambiente”.
Na presentación participaron outros patrocinadores do evento como Chema Fernández, de Joyería Jael, Vithas, ou Pablo García, de Caetano Formula (Dacia-Renault), e mesmo tomaron a palabra dous dos rapaces que tomaron parte na competición como Nicolás Andrade e Daniela López, que agradaceron a organización “poder competir na casa”.
No deportivo
O citado venres desputaronse unha chea de mangas nas dúas categorías ata acadar os cuartos de final. Nas rapazas, seguen adiante algunhas das favoritas como Alice Lemoigne, Ophelie AhKouen, Canelle Lebreton e Zoe Grospiron.
Na masculina, destacar unha onda de Jon Garmendia, que loita por entrar no tour mundial de longboard. Moi destacada tamén a participación de Nicolás Andrade, a pesar das condicións difíciles do mar con algas e fortes ventos, e de Edouard Delpero e Ignacio Pignataro.
Na xornada deste sábado 15 disputaránse as semifinais aproveitando a previsión climática para exprimir as mellores condicións posibles da mar en función dos tempos das mareas e atendendo as decisións da equipa internacional de xuíces (5) da competición.
A competición retomarase o sábado 15 a partires das 10:30 da mañá.
Pódese consultar o programa do evento nesta ligazón e os resultados da competición aquí.
