O BNG de Narón insta ao goberno local a facerse cargo da xestión do servizo de madrugadores

O BNG de Narón leva ao pleno de abril unha moción na que insta ao goberno municipal a facer un estudo de costes do servizo de madrugadores e aprobar un modificado de crédito polo importe necesario para facerse cargo da xestión deste servizo desde o vindeiro curso 24-25 e nos que lle seguen.

O BNG non apoiou as emendas presentadas polo PP minutos antes do pleno dos orzamentos pedindo retirar partidas de cultura para incluír nos mesmos unha partida, “que consideramos insuficiente” , para a xestión do servizo de madrugadores, “o PP era xa coñecedor da nosa moción cando presentou esta emenda, e sabía que de aprobarse sería suficiente para conseguilo”, comenta Olaia Ledo, portavoz municipal.

«Por isto, e mais sendo coñecedores de que si se aprobaba a emenda o goberno municipal veríase na obriga de retirar os orzamentos da orde do día», o BNG decidiu «seguir coa súa decisión asamblearia e absterse na votación dos mesmos, e non paralizar todo máis tempo e non ter nin unha cousa nin a outra, mais cando a alcaldesa xa comentara ao inicio do pleno a aceptación dese modificado de crédito que solicitabamos na nosa moción» conclúe

Lea también

Axenda en Narón do 22 ao 26 de maio de 2024

Mércores 22 de maio de 2024 Actividade: “As Sementes da felicidade” Hora: 17:00 Lugar: Centro …