A alcaldesa de Narón denuncia o uso electoralista do PP do centro de saúde

A alcaldesa denuncia o uso electoralista e o nulo interese do PP en solventar os problemas de persoal e equipamento do centro de saúde

A alcaldesa de Narón, Marián Ferreiro, lamentou o feito de que o conselleiro de Sanidade, Julio Comesaña, visitase a cidade, e máis concretamente as instalacións do centro de saúde, nun día no que non está operativo ao ser festivo en Narón.

“Que o conselleiro visitase este martes 13 co voceiro do grupo municipal do PP e outros integrantes do partido o centro de saúde amosa a escasa importancia que para eles teñen os veciños de Narón e o nulo interese en solventar os problemas diarios que afronta o persoal que alí traballa”, recalcou.

Ferreiro recordou que hai mes e medio que, á vista dos problemas que acumulan as instalacións tanto no referente a equipamento como a persoal, solicitou unha entrevista con Comesaña, que non se lle concedeu senón que se derivou á xerencia da Área Sanitaria. “Non queren escoitar e moito menos solucionar os problemas do centro de saúde, por iso consideraron que era mellor visitalo nun día festivo na cidade”, indicou.

A alcaldesa incidiu tamén no feito de que no pleno do pasado mes de xaneiro se aprobou unha moción instando ao Servizo Galego de Saúde a reforzar con urxencia o persoal do centro de saúde, médicos e administrativos.

“Unha moción que precisamente non votaton a favor os seis edís do Partido Popular de Narón, entre eles o seu voceiro, que si acompañou hoxe a Comesaña na súa visita ao centro”, explicou.

Ferreiro subliñou que “o feito de que nin sequera se molestasen en convocar aos representantes dos grupos políticos municipais amosa o nulo interese que o PP ten por solventar os problemas aos que día a día teñen que facer fronte tanto o persoal administrativo como o facultativo e, polo tanto, os veciños que acuden a este servizo”

Lea también

Un año mas se celebró la fiesta de Santa Rita en Narón

Un año más se celebró, este miércoles, día 22, en la festividad de Santa Rita, …