Ares conmemora o 8M cunha marcha reivindicativa

A casa consistorial aresán acolleu a presentación de Camiña pola Igualdade, a iniciativa que organizan conxuntamente as  Concellarías de Igualdade e Deporte para celebrar o 8 de marzo, Día Internacional da  Muller.  

As edís das dúas áreas, Victoria Montenegro e Alma Barrón, xunto con Lucía Blanco José Juan Vilar, tamén integrantes do goberno local, presentaron os dous percorridos  que integran este evento con trasfondo simbólico: camiñar pola vila para lembrar a  senda que xa se transitou en materia de igualdade, pero tamén todo o que aínda falta  por progresar na sociedade actual.

A práctica deportiva de Camiña pola Igualdade  conta así cun marcado acento conmemorativo e reivindicativo.  

Durante a mañá do domingo, 10 de marzo, a vila acollerá dúas andainas de diferente  extensión. A primeira ruta, ás 10:00 horas e de 10 quilómetros, trátase dun itinerario  de dificultade media-baixa que discurrirá pola costa de Ares cara Redes, até acadar a Praza do Pedregal e logo volta ao núcleo aresá pola costa, cruzando a praia do Raso.  Poderá sumarse toda aquela persoa maior dos 10 anos e tamén estarán permitidas as  mascotas. 

No tocante á segunda ruta, denominada coma “O quilómetro da igualdade”  organizarase un itinerario de dificultade baixa, accesible para todo o mundo ao  transitar por terreo eminentemente chan, dende o paseo marítimo até a Praza da  Constitución. Arrancará ás 12:30 horas e contará cunha extensión aproximada aos  1.000 metros.  

As dúas andainas confluirán na Praza da Constitución, o espazo que centralizará a  actividade da marcha reivindicativa, e alí se procederá a un avituallamento líquido sólido, á entrega dun agasallo conmemorativo da xornada e, xa coma peche, a lectura  dun manifesto a prol da igualdade e unha solta de globos.  

Inscricións abertas dende o 8 de febreiro

Dende as Concellarías de Igualdade e Deportes fan fincapé no proceso de inscrición,  fundamental para levar unha previsión de participantes e esixencias organizativas.  Participar é totalmente de balde en ambos itinerarios, mais será preciso inscribirse  previamente na páxina web institucional: www.concellodeares.gal, onde estará  dispoñible un formulario telemático

A maiores, o Departamento de Servizos Sociais de Ares tamén dá a posibilidade de  tramitar a inscrición de forma presencial no horario cotián de traballo. Haberá a  posibilidade de sumarse a Camiña pola Igualdade até o 6 de marzo ás 14:00 horas.  

Lea también

Adriana Castiñeira participa en el Campeonato de España Sub 16 PC

La atleta del Club Ferrol Atletismo, Adriana Castiñeira De Castro gracias a su tesón y esfuerzo se …

Deja un comentario

Tu dirección de correo electrónico no será publicada. Los campos obligatorios están marcados con *