Os candidatos do PP,BNG e PSOE comprometéronse na defensa dos dereitos dos bomberios de Narón

Fot. Speis

Nunha nota facilitada pola sección sindical  da CGT do Concello de Narón se sinala que  «logrou un compromiso d@s candidat@s á alcaldía de Narón Olaia Ledo, Germán Castrillón e Jorge Ulla. Tres dos catro partidos que constitúen o pleno do noso concello: BNG, PP e PSOE comprometéronse a cumprir coa lei de prevención de riscos laborais e aumentar os servizos mínimos dos Bombeiros de Narón a 5 profesionais por garda durante a próxima lexislatura».

O sindicato «lamenta que a candidata de TEGA, Marián Ferreiro, aínda non se pronunciou ante esta necesidade urxente. A pesares do rotundo éxito dunha
campaña na que se recolleron 5.000 sinaturas entre a cidadanía de Narón para que se aumentaran os servizos mínimos de bombeiros; nin o informe da
inspección de traballo, que visitou as instalacións do parque de bombeiros o 2 febreiro, informando ó concello de que antes do día 23 de xaneiro do próximo
ano deberá de aumentar o persoal para que a dotación de bombeir@s de garda poida traballar nas condicións de seguridade que establece a lei».

Dende a CGT sinalan que «sempre defenderemos o diálogo e pedímoslle á candidata de TEGA que recapacite e adquira o mesmo compromiso»

Lea también

Sesións de pilates en Narón, nos parques de Xuvia e Freixeiro

O Concello de Narón programa un ano máis, a través do Padroado de Deportes, sesións …