O BNG apura o goberno de Ferrol a tomar medidas para reducir a tarifa eléctrica municipal

Iván Rivas en rueda de prensa | BNG

O Bloque Nacionalista Galego de Ferrol considera que é preciso que o Concello tome medidas para reducir a factura eléctrica municipal o que redundaría en beneficio dos veciños e veciñas da cidade e acusou ao goberno local de «permanecer inmóbil diante desta problemática.«

Iván Rivas, portavoz municipal do BNG, advertiu que é «urxente que o goberno municipal adopte decisións que axuden a rebaixar a factura eléctrica do noso Concello, tanto na redución do consumo como na xestión da propia enerxía e a súa forma de contratación que posibiliten abaratar esta factura municipal

Propón ao goberno local que inicie os trámites para que sexa o Concello directamente quen xestione a compra de enerxía eléctrica para o suministro das súas instalacións. «A xestión directa por parte de persoal municipal de mercar a electricidade que consumimos é un procedemento que cada día están a desenvolver máis concellos no noso país e no conxunto do estado.«

Lembra que o contrato de subministro de enerxía eléctrica no Concello de Ferrol está caducado, «finalizou no ano 2020, e se trata dun contrato que supón máis de 2 millóns de euros ao ano.«

Así mesmo, no último pleno municipal «evidenciouse que este gasto está a ter un incremento considerábel dos seus custos, atopándonos cunha situación na que se duplican as previsións que o goberno local tiña para esta partida.«

Pero o «máis grave é que diante deste feito o goberno de Ángel Mato, por unha parte prioriza o pago destes sobrecustes ás empresas eléctricas por diante doutras moitas necesidades existentes na cidade destinando a este fin o que deixou de gastar nos orzamentos do ano pasado e por outra parte non tomou ningunha soa medida que poida paliar isto.» Deste xeito o goberno municipal «durante todos meses limitouse a aprobar modificacións de crédito, contando coa complicidade do PP, que so buscan beneficiar as grandes empresas eléctricas

Iván Rivas salientou que a alternativa ao actual modelo de contratación eléctrica «pasa por mercar de maneira directa no mercado maiorista a enerxía por parte da administración local, igual que fan outras cidades no Estado

Para o BNG isto implicaría «ventaxas como que se suprimen os custos derivados dos beneficios da comercializadora, que rondan sobre o 20%, que se xeraría emprego, pois habería que contratar ao persoal encargado de mercar esa enerxía en función dos consumos que precisarían as instalacións públicas do Concello de Ferrol«. Esta sería a outra ventaxa, «dado que contariamos cunha cuantificación dos consumos que se producen no concello e sobre cos que poder actuar para reducir o seu consumo

O BNG considera que impulsar estas medidas «é un proceso que non debemos deixar escapar e menos nun contexto actual no que carecemos de contrato, os prezos da enerxía están disparados e no que as administracións deben traballar para reducir os custos que despois repercuten nos veciños e veciñas

Lea también

Álex Rilo, representación ferrolana en la Copa del Mundo de Lievin

El ferrolano Álex Rodríguez Rilo disputará este sábado la Copa del Mundo de Lievin en …