Galicia Ártabra Digital Noticias de Ferrol y la comarca de Ferrolterra.
O Foro Ferrol Vivo pechou o «curso» coa mesa redonda «Facendo Europa en Ferrol. Programas: fortalezas e debilidades», coa que quixo poñer en valor que Ferrol é Europa e participa tamén dese orzamento co que se pretende unir e integrar os territorios que forman parte dela.
Deste xeito, con esta actividade mesa o FFV tamén quixo conmemorar o Día de Europa, xa que o pasado 9 de maio celebrábanse 60 anos de vida da UE.
Na súa introducción, a especialista en Dereito Europeo e integrante do FF, lembraba que ese 9 de maio poñíase en valor a presentación da Declaración Schuman, que di algunhas destas frases:
«A paz mundial non pode salvagardarse sen uns esforzos creadores equiparables aos perigos que a ameazan».
«A contribución que unha Europa organizada e viva pode achegar á civilización é indispensable para o mantemento dunhas relacións pacíficas».
«Europa non se construíu e houbo a guerra».
«Europa non se fará dunha vez nin nunha obra de conxunto: farase grazas a realizacións concretas que cren en primeiro lugar unha solidariedade de feito?».
Na mesa redonda participaron Ana Marquina, xerente de Urbanismo do Concello de Ferrol; Maca Torres e Álvaro Prieto, do IES Canido, Miguel Nieto Matamoros, de Proyfe; e Anxo Martínez Zas, xerente de Seitura22. Por esta orde, abordaron programas europeos que se están a executar en Ferrol: Edusi (antes, Urban), Erasmus+, Life Drainrain e Leader. A mesa asistiron como público o alcalde, Jorge Suárez, e a concelleira de Urbanismo, María Fernández Lemos.
