O BNG advirtiu a Yolanda Díaz que lamentarse do convenio do saneamento é un comportamento demagóxico

Iván Rivas, portavoz municipal do BNG, resaltou na mañá deste martes que o convenio asinado durante o mandato do Partido Popular co Ministerio de Fomento, através da empresa ACUAES, para desenvolver o sanamento na cidade foi unha das peores decisións que se teñen tomado nos últimos anos e advertiu a Yolanda Díaz que lamentarse deste convenio sen dar os pasos precisos para romper con el é un comportamento demagóxico.

A demagoxía de Yolanda Díaz

Para o BNG resulta demagóxico que a señora Díaz, censure agora este convenio cando no seu momento a súa organización política se abstivo respecto da sua aprobación no pleno municipal de Ferrol.
En todo caso, se a Sra. Díaz quere facer algo ao respecto debería solicitarlle ao Alcalde desta cidade, que pertence ao mesmo partido politico que ela, que denuncie e rache con este acordo, acordo que provoca que esta cidade teña que asumir o custe dunha infraestrutura declarada de interese xeral desde o ano 1997. Un convenio no que o Estado non pon un euro, e obrigaba a pagar aos ferroláns o 10% do custe da infraestrutura. Cantidade que o mesmo PP xa modificou e elevou até o 13%, e que no momento actual non sabemos exactamente cal é a cantidade que os ferrolán imos ter que asumir polo feito de non terse rematado as obras antes de decembro de 2015. Unha infraestrutura sobre a cal non temos capacidade para tomar decisións de ningún tipo. Que nos impón un modelo de rede unitaria, e que a pesar de non ser responsables da súa execución en virtude do convenio asinado seremos responsables económicos dos retrasos que se produzan na súa construción.
Un acordo sobre o que existe un pacto de silencio entre o Partido Popular e o actual goberno municipal.

Desde o BNG cremos que a ubicación dos tanques de tormentas e os conflictos xerados coa sua construcción en Ferrol Vello ou no parque Pablo Iglesias dan boa conta de como este convenio o único que está a xerar son problemas para os veciños e veciñas desta cidade problemas que todavía non sabemos cales son as súas consecuencias finais porque estamos a falar da parte que ten que ver coa cosntrucción da infraestructura, é dicir coa tarifa fixa, o custe da sua construcción, ainda descoñecemos o custe da parte variable é dicir o custe que vai supoñer para os ferroláns poñer en funcionamento esa infraestructura, unha infraestructura que ten un deseño de rede unitaria que multiplica os custes económicos por aumentar o volume a depurar e multiplica os custes medioambientais unha infraestructura que ademais se pretende xestionar a traves da mesma empresa que desenvolveu a súa construcción a traves da empresa ACUAES para desenvolver o seu mantemento e posta en funcionamento. Cuns costes de mantemento, posa en funcionamento e saneamento que todavía descoñecemos

Que o goberno local denuncie o convenio

É por iso que desde o BNG queremos pedirlle ao goberno local que denuncie este convenio por que para esta cidade é inasumíbel polos costes ecomnomicos que vai a supoñer e polos costes mediambientais que tamén supon este tipo de deseño de rede de saneamento sobre todo cando ademais seguimos desde o goberno local sen pedirlle responsabilidades ao estado pola cosntrucción dunha depuradora que non esta a cumprir a súa función, que non está a depurar.

O BNG esixe ao goberno da cidade que explique se lle esta a reclamar desde algún ambito os custes de reparación desa infraestructura, dunha EDAR que segue sen poñerse en funcionamento coas obvias consecuencias para esta cidade.

Para o BNG desde o goberno local o primeiro paso que se debería dar sería denunciar o convenio coa empresa ACUES que o unico que ten como obxectivo é facer que o estado non asuma ningúnha responsabilidade sobre unha obra que se desenvolve nun ámbito da súa competencia e que declarou de interese xeral desde o ano 1997 e todo esto se fixo con connivencia, co pacto de connivencia entre Partido Popular e o resto de organizacións políticas estatais.