Galicia Ártabra Digital Noticias de Ferrol y la comarca de Ferrolterra.
O Concello de Cedeira colabora coa Asociación de Comerciantes e Hostaleiros do Casco Vello na celebración da Feira do Viño que terá lugar o próximo sábado,día 8, no paseo da Mariña.
Un total de oito casetas e máis de nove denominacións de orixen, entre outras Ribeiro, Cigales, Rioja e Toro, son algúns dos atractivos dunha proposta coa que se pretende iniciar á vila no tan demandado turismo enolóxico, segundo destacou o presidente da entidade organizadora, Francisco Zaera.
O programa inclúe dende degustacións ata sorteo de agasallos entre os participantes. A panadería Arribi e a pastelería Las Camelias colaboran facéndose cargo de elaborar e distribuír, de maneira gratuíta, racións do afamado pastel de Cedeira. En canto aos regalos, consistirán en lotes de viños, botellas do tipo magno e unha visita guiada a unha bodega, con xantar incluído.
Para participar é imprescindible realizar unha consumición nalgún dos postos que estarán abertos ao público de 12.00 a 14.00 e de 19.00 a 21.00 horas.
Para darlle axilidade ao desenvolvemento da feira, a organización optou por poñer á venta un tícket de catro consumicións ao prezo de dez euros, unha posibilidade que ademáis garantiza ao consumidor un regalo extra, unha copa de vidro.
