Galicia Ártabra Noticias de Ferrol y la comarca de Ferrolterra.
Esta fin de semana continúa a programación de “Outono no CIRS” que organiza esta entidade, ao fío da celebración do samaín e dos magostos. O pasado sábado celebrouse -cunha grande participación- do roteiro das ánimas, polos camiños de Cervás.
Retomando as actividades, este venres 6 terá lugar unha nova edición da andaina polos soutos de castiñeiros, co obxecto de apañar castañas para a celebración do magosto ao día seguinte. E será o sábado 7 cando remate esta programación de Outono, con dúas actividades.
Por un lado, ás 18 horas no local do CIRS terá lugar a representación-dirixida a todos os públicos- da obra “Castelao: un corazón á intemperie” a cargo da compañía de títeres “Fantoches Baj”, que chega a Cervás patrocinada Concello de Ares dentro da programación da Rede Cultural da Deputación de A Coruña.
E, para rematar a xornada do sábado, a partir das 19 horas terá lugar o tradicional magosto; no que as persoas asistentes poderán degustar as tradicionais castañas, ademáis de arenques e liscos.
