O BNG de Ferrol presenta unha moción para non prorrogar o convenio de xestión da EDAR

Bloque Nacionalista Galego de Ferrol presentou esta mañá unha moción que será debatida no próximo pleno deste xoves 28 de abril, na que se propón que o Concello de Ferrol «non prorrogue o convenio de xestión asinado entre o Concello e Augas de Galiza para a xestión da EDAR de Ferrol e romper a encomenda de xestión feita á empresa EMAFESA».

Desde o BNG lembraron que o convenio con Augas de Galiza, que remataba o 8 de xuño, e que o goberno local quere prorrogar, xa recollia a posibilidade de xestionar de xeito mancomunado esta infraestructura «polo que o acordo que tomou o goberno de Jorge Suárez é que mentras que esta opción non se produza, vai manter vixente o actual convenio e polo tanto a xestión dunha infraestructura, a EDAR, que non funciona do mesmo modo que se esta a facer no momento actual».

Para os nacionalistas «senon se vai romper a encomenda de xestion con EMAFESA se seguirá entregando a Emafesa a xestión dunha depuradora que ten deficiencias, como ten anunciado o goberno local, producto da súa construcción xestionada e recepcionada por parte da Xunta con esas deficiencias e que o Partido Popular entregou ao concello para que xestionase esa depuradora que non pode funcionar por ter deficiencias e que o concello entregou a Emafesa para a súa xestión».

«Desde o BNG non sabemos que é o que muda na actualidade con respecto ás decisións adoptadas polo PP tanto no que ten que ver co convenio asinado on Augas de Galiza como o que ten que ver coa encomeda de xestión desa depuradora a Emafesa, para que o Goberno Local decida manter estes acordos como estaban», engadiron.

Desta forma, os nacionalistas instan ao goberno local á suspensión do convenio asinado entre o Concello e a empresa pública ACUAES «co obxectivo de que sexa o Estado quen asuma os custos derivados da execución e posta en funcionamento dos interceptores xerais da marxe dereita da ría de Ferrol e que se esixa ao Ministerio de Fomento que asuma as obras de reparación das deficiencias da EDAR de Ferrol». Ademais, solicita que o pleno do Concello «aprobe a derogación da ordenanza fiscal reguladora da taxa pola depuración de augas residuais, e insta ao goberno local á devolución do importe da taxa de saneamento cobrada indebidamente aos veciños e veciñas desta cidade nos primeiros meses do ano 2015».