Os parlamentarios do BNG preguntan sobre a situación do Consorcio feiral de Ferrol

Francisco Xesús Jorquera Caselas, Carlos Aymerich Cano, Monserrat Prado Cores e Ana Belén Pontón Mondelo, deputados e deputadas pertencentes ao Grupo Parlamentar do Bloque Nacionalista Galego (BNG), ao abeiro do disposto no Regulamento da Cámara, presentaron á mesa da Cámara do Parlamento Galego una pregunta para a súa resposta escrita, relativa á situación do Consorcio Pro-ferias de Ferrol.

Sinalan que o recinto feiral de Ferrol, o primeiro de cantos se construiron no país, está xestionado polo Consorcio Pro-Ferias e exposicións de Ferrol, un organismo que está participado pola Cámara de Comercio (55%) e o Concello de Ferrol (45%).

Na actualidade este organismo está a atravesar unha importante crise económica que o leva a arrastrar unha importante débeda.

Durante os últimos meses a dirección deste organismo procedeu a despedir a 5 traballadores/as do seu cadro de persoal, cuxos despedimentos están a ser declarados improcedentes pola xustiza, e os que quedan levan máis de 5 meses sen percibir o salario correspondente.

Diante desta situación à proposta do goberno local de Ferrol para darlle unha solución de futuro a este recinto e garantir a súa viabilidade pasaría por converter este organismo nunha Fundación na que participarían o Concello de Ferrol, a Cámara de Comercio, a Deputación de A Coruña e a Xunta de Galiza.

Asi mesmo e segundo manifestacións do propio goberno local de Ferrol está en funcionamento xa unha comisión técnica, formada polas catro administracións, para a constitución desta Fundación.

Polo dito os membros do grupo do BNG formulan as seguintes preguntas para a súa resposta por escrito.

1.- Ten recibido á Xunta de Galiza invitación para a constitución dunha Fundación que xestione o recinto feiral de Ferrol?.

2.- De ser así, ten valorado a Xunta a súa participación na mesma? Está negociando as condicións nas que participará?.

3.- Que prazo temporal manexa para que frutifiquen estas negociacións?.