O Bloque Nacionalista Galego (BNG) de Ferrolterra mobilizouse este xoves nunha acción reivindicativa baixo o lema “AP-9 galega e libre de peaxes” para reclamar a supresión total do pagamento na autoestrada. No acto participaron o candidato ao Congreso, Manuel Polo, e a candidata ao Senado, Pilar Lozano, xunto a outros membros da formación nacionalista.

O candidato nacionalista responsabilizou directamente o PP de que a infraestrutura continúe a ser de pagamento pola prórroga da concesión aprobada até o ano 2048. Tras cualificar a AP-9 como «a autoestrada máis cara do Estado» e un «lastre» para familias, persoas traballadoras, autónomas, pemes e transportistas, Polo comprometeuse a traballar para lograr a anulación desta prórroga, apoiándose nos pronunciamentos da Unión Europea que a consideran ilegal.
Galicia Ártabra Noticias de Ferrol y la comarca de Ferrolterra.