Unha marcha reivindicativa, teatro, e accións de sensibilización para conmemorar o 25 N en Neda

Neda presenta a súa programación especial con motivo do Día internacional pola eliminación da violencia cara ás mulleres. A Marcha polo bo trato, fixada para o 25 N, en horario matinal, volverá ser o eixo central da iniciativa, que arrinca este venres co espectáculo teatral “Sophie non é o meu nome de guerra”.

Foto de archivo. Marcha reinvindicativa do 25N en Neda- 2022 | Concello de Neda

Alumnado dos centros escolares do municipio encabezará, un ano máis, a andaina reivindicativa pola igualdade e contra a violencia de xénero. O Concello pon así o foco nun colectivo no que está a prender o discurso negacionista.

O percorrido, aberto ao conxunto da veciñanza, partirá da contorna do albergue de peregrinos ás 10:30 horas, con destino á Casa do Concello, onde se garda un minuto de silencio polas vítimas, tras o que se inicia na Casa da Cultura un acto coas reflexións dos estudantes sobre a temática. Pola noite, a fachada da Casa Consistorial a tradicional iluminación conmemorativa.

A programación iniciarase este venres, a partir das 20:30 horas, cunha achega cultural, o espectáculo de teatro contemporáneo “Sophie non é o meu nome de guerra”. Unha obra que segue a dura viaxe dende Camerún ata A Coruña dunha muller, e aborda cuestións como o exilio forzoso, as políticas migratorias europeas, e a trata de mulleres con fins de explotación sexual.

Precisamente, a prostitución e as dinámicas sociais, económicas e culturais que o sosteñen centrarán a campaña “De fronte”, impulsada pola Deputación da Coruña, á que se sumará Neda. Así, ao longo da vindeira semana habilitaranse na Casa da Cultura “espazos de reflexión” puntos nos que a cidadanía poderá achegarse a diferentes cuestións relacionadas cunha realidade que demasiadas veces permanece oculta.

Finalmente, a biblioteca municipal fará a súa achega ao programa habilitando un centro de interese sobre temas de igualdade.

Lea también

Neda volverá apoyar la proyección de deportistas locales con una línea de ayudas económicas

Desde este martes pueden solicitarse las ayudas convocadas por el Ayuntamiento de Neda para apoyar …

Deja una respuesta

Tu dirección de correo electrónico no será publicada. Los campos obligatorios están marcados con *

Responsable: Galicia Artabra Comunicaciones, S.L. Finalidad: gestionar su comentario. Legitimación: su consentimiento. Derechos: acceso, rectificación, supresión y otros, según la política de privacidad.