Galicia Ártabra Noticias de Ferrol y la comarca de Ferrolterra.
As inscricións para esta marcha dun quilómetro, cun prezo de 10 euros, permanecerán abertas ata o 2 de outubro ás 14:00 horas.
Narón acolleu na mañá deste vernes a presentación da Andaina Inclusiva de Cores, unha actividade organizada pola Asociación Sociocultural ASCM e o Concello que terá lugar o domingo 4 de outubro no Paseo Marítimo de Xuvia.
Ao acto asistiron a edil de Benestar Social, María Lorenzo, xunto á presidenta de ASCM, Paula Gárate, e o membro da executiva da asociación Gonzalo Sueiras. Baixo o lema «1 km de diversión, mil cores, unha mesma causa: a inclusión», a proposta consiste nun percorrido de aproximadamente un quilómetro no que as persoas participantes atoparán distintos puntos de lanzamento de pos de cores.
Trátase dun produto elaborado a base de amidón de millo, de uso específico para este tipo de eventos. A andaina está deseñada como unha actividade inclusiva, aberta a persoas con e sen discapacidade de todas as idades. A entrega de material ás persoas participantes comezará ás 16:00 horas, mentres que a saída está prevista para as 17:30 horas.
O prezo de inscrición é de 10 euros e inclúe un kit con agasallos para gozar dunha xornada de cor e diversión. O prazo para inscribirse permanecerá aberto ata o 2 de outubro ás 14:00 horas.
Durante a presentación, María Lorenzo destacou que «esta andaina é un exemplo máis do compromiso do Concello coa inclusión e coa igualdade de oportunidades, e animamos a toda a veciñanza a participar nunha xornada chea de cor que nos lembra que as diferenzas non nos separan».
Máis información e inscricións a través do teléfono 604 055 703, do correo info@ascmgalicia.org, do código QR incluído no cartel da actividade ou da ligazón https://acesse.one/inscricionsandaina.
