Alumnado do máster en Tecnoloxía Téxtil e Moda Sustentable visita a sede central de Inditex

Alumnado do máster en Tecnoloxía Téxtil e Moda Sustentable, titulación que se imparte na Escola Politécnica de
Enxeñaría de Ferrol (EPEF), visitou este xoves a sede central de Inditex en Arteixo.

A coordinadora do máster en Tecnoloxía Téxtil e Moda Sustentable, Belén Montero, e a profesora da materia de “Ecotéxtiles, Ecodeseño e Reciclaxe”, Ana Ares, acompañaron ao alumnado durante toda a visita.

O estudantado fixo un percorrido polos diferentes departamentos da compañía no que puideron coñecer todo o ciclo do produto, desde o seu deseño ata a súa chegada ás tendas, incluíndo, entre outros, a área de deseño, as zonas de patronaxe, de estilismo, de merchandising ou as de escaparatismo.