Séptima edición en Pontedeume dos Cantos de Taberna

O evento terá lugar os días 23 e 24 de maio na zona vella do municipio .

A asociación Airiños do Eume, en colaboración co Concello de Pontedeume, presentaron na Casa do Concello a séptima edición dos seus Cantos de Taberna, un evento que dende o ano 2017 vén enchendo as rúas e tabernas da vila con música tradicional galega. 

Os Cantos de Taberna regresan co seu obxetivo de achegar a cultura popular á cidadanía e de encher a zona vella de Pontedeume con cantigas interpretadas por máis de 150 músicos de diferentes puntos do país. 

Nesta edición, dende Airiños do Eume destacan que o cartel do evento, deseñado por unha integrante da asociación, «rende homenaxe á cultura popular cunha clara referencia á icónica portada de Sgt. Pepper’s Lonely Hearts Club Band dos Beatles, reinterpretada cun grupo de música tradicional galega». 

O día 23 de maio, venres, iniciarase a celebración coa participación dos músicos máis novos, que percorrerán as prazas da vila interpretando pezas tradicionais. Ao mesmo tempo, o grupo Os Feroces da Galgueira amenizará as rúas coa súa música. 

A partir das 20:00 horas a Alameda de Raxoi acollerá unha mostra do traballo das escolas de Airiños do Eume, seguida dunha actuación de Cé Orquestra Pantasma, cun espectáculo pensado para todas as idades. Para pechar a xornada, Os Feroces da Galgueira percorrerán de novo as rúas. 

O sábado, día 24 de maio, a xornada comezará cunha feria de artesanía na Alameda, onde se poderán atopar produtos tradicionais. Os cantos levanranse a cabo en dos pases ao longo do día, primeiro de 12:00 a 15:00 horas e, tras un xantar na Alameda para os grupos participantes e quen se queira achegar, tamén de 19:00 a 21:00 horas.

Como broche final do evento celebrarase o tradicional concurso de agarrados e, posteriormente os grupos Faiscas da Pontraga e Zurrumalla ofrecerán os concertos de clausura na Alameda.