O Pazo da Cultura de Narón acolle a exposición «Arte en tinta»

O Concello de Narón, ABANCA e Afundación inauguran este xoves 12 de decembro, ás 12.00 horas, no Pazo da Cultura, a exposición «Arte en tinta». Asistirán Pablo Mouriz, concelleiro de Urbanismo, Obras e Recursos Humanos en Narón; José Manuel Vilariño Orgeira, coordinador institucional de ABANCA na Coruña; Óscar Salgado Seijas, director territorial de ABANCA na Coruña; Óscar López Fernández, director zona Ferrol de ABANCA; e Paloma Vela Garicano, coordinadora adxunta da Área de Cultura de Afundación.

A partir dunha escolma de obras da Colección Afundación, nace «Arte en tinta», un percorrido por conceptos, temas, estilos e linguaxes, presentes na arte contemporánea a través de nomes destacados do panorama español e galego. Poderase visitar ata o 12 de xaneiro, de luns a sábado en horario de 09.00 a 14.00 horas e de 16.00 a 21.00 horas.

Esta colaboración é parte do proxecto «Corrente cultural», que considera a arte como un instrumento imprescindible para fomentar o coñecemento e o desenvolvemento colectivo. Grazas a este proxecto, Afundación, a Obra Social de ABANCA, impulsa a capilaridade da cultura en Galicia, ampliando a oferta artística alén das súas sedes e trasladándoa ás vilas galegas para desenvolver tamén nelas as actividades da entidade