BNG de Narón reclama acceder ás subvencións da Deputación para financiar o posto de técnico deportivo

O BNG de Narón conseguiu en pleno que se aprobase a inclusión no cadro de persoal de técnico deportivo en Narón. Ademais, na mesma moción reclamábase que de maneira temporal (e mentres non se modificase a RPT municipal) se optase ás axudas da Deputación.

As axudas para diferentes gastos de persoal, publicadas o 14 de outubro no BOP da provincia, entre elas as de técnico deportivo “reclamamos que fagan cumprir os acordos plenarios. Se por fin accederon a que a figura de técnico deportivo é necesaria no noso concello que se poñan xa a traballar para que sexa unha realidade.  O deporte de Narón precisa unha mirada transversal con persoal coa formación específica para avanzar no deporte e coas subvencións da Deputación poden telo de maneira case inmediata” declara Ledo, protavoz municipal.

Ademais, desde o BNG de Narón poñen o foco a que o goberno de Terra Galega perde axudas que lle axudarían a que as arcas municipais estivesen mellor “hoxe poderíamos solicitar tamén para o museo de Xuvia no seo da Deputación pero preferiron que fose xestionado demaneira privada a través dunha licitación.  Estas axudas para museos e centros etnográficos xa lles dixemos que as solicitasen o ano pasado pero preferiron ter o Muíño de Xuvia pechado” incide Olaia Ledo.