Axenda en Narón o 4 de agosto

A axenda prevista para este domingo 4 de agosto de 2024 

Actividade: XXIV Festa da ameixa rubia. Hora: Dende as 13:00. Lugar: Paseo marítimo de Xuvia

A programación da Festa da ameixa rubia, organizada polo Concello e a AVV Altea, de Xuvia, dará comezo ás 13:00 horas cunha sesión vermú que rematará ás 15:00. A partir desa hora comezarán a servirse as racións de ameixa rubia, churrasco e sobremesa, con bebidas e café incluídos.

Os boletos do xantar poden adquirirse, ata esgotar a capacidade da carpa, na cafetería da AVV Altea, en Xuvia. Pola tarde haberá unha festa infantil, de 16:00 a 18:00 horas con xogos tradicionais; un concerto de Brais das Hortas de 18:00 a 19:00 horas e a partir das 19:30 horas dará comezo a Festa da escuma.