Galicia Ártabra Digital Noticias de Ferrol y la comarca de Ferrolterra.
O Concello de Narón habilitou un plan especial de tráfico con motivo da celebración, o vindeiro sábado día 20, dunha nova edición do Trishark Narón. O edil de Seguridade Cidadá, José Oreona, anunciou que a estrada de Castela permanecerá cortada ao tráfico rodado, dende a rotonda de Megasa ata a praza do colexio de Xuvia entre as 16.15 e as 19.00 horas do sábado, co fin de desenvolver o evento.
Os vehículos desviaranse pola estrada de San Xiao e o Camiño da Revolta cara aos tramos abertos da Estrada de Castela, e dende o Concello tamén se informou á concesionaria do servizo de transporte metropolitano para que os autobuses utilicen un vial alternativo.
Persoal de Protección Civil encargarase de informar na zona o propio día do evento e ofrecer as indicacións oportunas. Oreona solicitou de antemán desculpas á cidadanía polas molestias ocasionadas por esta medida, necesaria para ofrecer as máximas garantías neste evento deportivo.
