Galicia Ártabra Digital Noticias de Ferrol y la comarca de Ferrolterra.
O goberno local de Narón, respecto ás declaracións realizadas dende o BNG sobre o despedimento dunha traballadora na empresa que presta o Servizo de Axuda no Fogar (SAF) na cidade, emitió un comunicado no que sinala que «quere manifestar que
– O despido da traballadora non era ilegal por ser unha representante sindical, como manifesta o BNG, xa que tivo lugar no mes de outubro do pasado ano e a traballadora resultou elixida representante sindical dous meses despois, en decembro.
– No caso de que fose ilegal por ese motivo sería declarado nulo e está declarado, por sentenza, como improcedente.
– Esa sentenza está recurrida tanto pola empresa como pola traballadora e está pendente da resolución do Tribunal Superior de Xustiza de Galicia, non sendo unha administración local nin os integrantes da súa corporación os que deban pronunciarse ao respecto.
– En canto á precarización das condicións de traballo, recordarlle ao BNG que son as empresas e os sindicatos, neste caso tamén a CIG, os que tal e como recolle o Ministerio de Traballo, se encargan das negociacións colectivas coas empresas de diferentes sectores».
