Listaxes definitivas en Narón de menores admitidos nas escolas infantís

A concelleira de Ensino do Concello de Narón, Olga Ameneiro, anunciou a publicación na web municipal das listaxes definitivas dos menores admitidos nas tres Escolas Infantís Municipais para o curso 2024-2025. 

As persoas que desexen consultar esa listaxe poden facelo a través do enlace: http://www.naron.es/web/cat/gal/concello/escuelas_infantis/

No caso dos menores nados en no ano 2024 resultaron admitidos 18, dos que 8 solicitudes son para Piñeiros e as 10 restantes para A Solaina. Dos 14 menores nados en 2023 que demandaron praza un total de 5 irán ao centro da Solaina, 2 a Piñeiros e 4 á Gándara, se ben tres quedaron sen a praza solicitada.

Finalmente, dos nados no 2022 obtiveron praza os 19 solicitantes, dos que 7 irán para a escola infantil municipal da Gándara; 8 para a da Solaina e os 4 restantes para a de Piñeiros.

.Ameneiro explicou, en referencia ás novas incorporacións de cara ao vindeiro curso, que dende os propios centros da Solaina, A Gándara e Piñeiros se porán en contacto con cada unha das familias para proceder a formalizar a matrícula do vindeiro curso.

Lea también

O Goberno de Narón sae ó paso das declaracións do BNG sobre o SAF

O goberno local de Narón, respecto ás declaracións realizadas dende o BNG sobre o despedimento …

Deja un comentario

Tu dirección de correo electrónico no será publicada. Los campos obligatorios están marcados con *