O BNG de Narón reclama unha asemblea de entidades deportivas inmediata

O BNG de Narón denuncia que «desde hai un ano o concello non convocou ningunha xuntanza para poder coñecer e incidir nas diferentes eivas que sofren entidades e clubs deportivos en Narón».

Reclaman que «se faga de maneira inmediata porque en Narón a práctica en diferentes deportes é máximo desde a base até a elite “e onde a meirande parte das persoas técnicas e directivas nos clubs traballan dunha maneira desinteresada” incide Olaia Ledo, portavoz municipal do BNG de Narón.

“A práctica deportiva en Narón é un exemplo e unha grande carta da presentación para a nosa cidade mais as entidades e clubs precisan ser escoitados en igualdade de condicións e por iso levamos reclamando desde hai un ano que se convoque a xunta de padroado de deportes pero, sobre todo, consideramos necesario crear unha asemblea de entidades con presenza municipal para que todas as partes interesadas poidan falar e opinar das necesidades e non como agora, onde só quedaría representada unha pequena parte” declara Ledo.

Se adxuntan as declaracións de Olaia Ledo, portavoz do BNG de Narón

Lea también

La navarra EMPER adquiere dos importantes empresas con instalaciones en Narón

Según informa “Navarra Capital” la empresa EPER Metallic Solutions, fabricante navarro de estructuras metálicas con …