Neda conmemora o Día das Letras Galegas con diversas propostas culturais

O Concello de Neda vén de pechar a súa programación especial con motivo do Día das Letras Galegas, dedicado este ano á escritora, música e docente coruñesa Luísa Villalta, cadrando co vixésimo aniversario do seu prematuro pasamento.

A oferta incluirá propostas para o público en xeral e para os máis novos da casa.

Ó longo da próxima semana a biblioteca municipal estreará unha mostra bibliográfica destinada a dar a coñecer os fondos bibliográficos existentes sobre Villalta e o resto das contadas autoras ás que homenaxeou dende a instauración dese día a Real Academia Galega. Só seis en 61 anos (Rosalía de Castro, Francisca Herrera Garrido, María Mariño, María Victoria Moreno e Xela Arias e agora Luísa Villalta).

Complementarase ademais con cartelería para descubrir a traxectoria literaria da homenaxeada este ano, unha das figuras que emerxeron na literatura galega da segunda metade dos 80 e primeiros 90, cultivando variedade de xéneros, e destacando por explorar a relación entre poesía e música.

A segunda das propostas chegará o xoves 16 de maio. A partir das 20 horas, proxectarase na Casa da cultura a película documental “O auto das ánimas”. Un filme de Pablo Lago Dantas, que acumula premios, e supón unha “viaxe de reconciliación” cos seus orixes no rural galego.

E por último o sábado 18, a partir das 11.30 horas, haberá un obradoiro de escritura creativa, dan man de Velaísca, a partir de textos da autora. Na proposta, nenos de entre 6 e 12 anos somerxéranse na obra de Luisa Villalta a través do denominado “lettering”, técnica creativa para darlle cor e forma as letras da escritora.

Lea también

Más de un centenar de estudiantes participan en la “VII Carrera Escolar Concello de Neda”

Un total de 112 niños se inscribieron para participar este sábado 15 de junio, en …