Galicia Ártabra Digital Noticias de Ferrol y la comarca de Ferrolterra.
O Concello de Fene, a través da concejalia de Benestar Social, mantén colaboración ca Asociación de Mulleres con Discapacidade de Galicia ACADAR, para a realización de actividades de interés social con mulleres con discapacidade do Concello de Fene.
ACADAR, é unha entidade sen ánimo de lucro que promove, coordina e reivindica a defensa dos dereitos das mulleres con discapacidade cara á súa plena integración e participación en tódolos ámbitos da sociedade.
Dentro do Programa ACTIVA-DAS, vaise desenvolver en Fene un taller denominado «Claves para o apoderamento das mulleres con discapacidade»
No taller vanse a traballar as seguintes temáticas: Comunicación, Habilidades sociais, Autocoñecemento e Autoconcepto
As datas nas que se vai a realizar este taller son os xoves 18 e 25 de abril, e xoves 2 e 9 de maio de 2024.O horario do taller será: de 10:00 a 13:00 horas
O lugar no que se vai a desenvolver esta actividade é a sala de Servizos Sociais do Concello de Fene, sita na avda. do Mar, bloque 1, baixo, 15500 Fene
As inscricións poden facerse ata a data de inicio nos seguintes teléfonos, Servizos Sociais de Fene, tlfn. 981 342 607
e ACADAR, tlfn. 607 221 600
