Galicia Ártabra Digital Noticias de Ferrol y la comarca de Ferrolterra.
Acadar é unha entidade sen fins de lucro fundada en 2009 para promover a igualdade de oportunidades das mulleres con discapacidade. Unha das súas liñas de traballo é a formación e a sensibilización, que se desenvolve por medio de obradoiros que abordan distintos aspectos, como son o empoderamento, a saúde ou a sexualidade, entre outros.
A actividade ocuparase de traballar sobre o autocoñecemento -como nos percibimos, descubrir as nosas capacidades e aptitudes, etc- para, a partir de aí, mellorar a autoestima como parte fundamental das relacións sociais, do camiño para a integración laboral e da autonomía persoal.
A asociación Acadar desenvolve esta actividade no marco do seu programa Enrédate, cofinanciado pola Xunta e o Fondo Social Europeo, que xa leva varios anos en marcha noutros municipios galegos.
O proxecto nace, segundo a entidade, «da necesidade de promover a igualdade das mulleres con discapacidade, especialmente daquelas que viven en zonas pouco poboadas», co obxectivo de «potenciar as capacidades e competencias das participantes para o desenvolvemento dunha vida autónoma e, polo tanto, incrementar o seu benestar social e persoal, incidindo na mellora da autoestima».
En San Sadurniño, o obradoiro de autoestima para mulleres con discapacidade repartirase en 8 sesións que terán lugar na Casa da Xuventude de San Sadurniño todos mércores de 10:00h a 13:00h a partir deste 3 de abril.
É unha actividade totalmente gratuíta, pero fai falla inscrición previa contactando co servizo de Educación Familiar no 673 903 922 ou no correo veronica.perez@
