Galicia Ártabra Digital Noticias de Ferrol y la comarca de Ferrolterra.
O concelleiro de Mocidade, Ibán Santalla, informou da apertura do prazo de inscrición en dúas clases maxistrais que se celebran a través da Escola de Música Moderna na Casa da Mocidade, na Gándara.
Una delas será sobre guitarra e corre a cargo de Tony Torres e a outra, de piano, imparte Fran Rey. O prazo de inscrición na de piano permanece aberto ata o día 13 deste mes, se ben para anotarse na clase de guitarra haberá que facelo dende o 12 ao 20 deste mes, tal e como explicou Santalla.
En ambos casos diríxense a mocidade de Narón de entre 12 e 45 anos. O músico Fran Rey, cunha longa traxectoria, impartirá a clase maxistral de piano o día 15 deste mes, de 19:00 a 21:00 horas na Aula de Ensaio da Casa da Mocidade.
Rey acompañou a artistas como Cristina Pato, Rosa Cedrón, Andrés Suárez… e impartirá unha clase baseada en diferentes estilos musicais, facendo un repaso dende as súas orixes no blues, soul, jazz… ata a actualidade.
En canto á clase maxistral de piano, será Tony Torres, o guitarrista de Malditos Pendejos, o encargado de explicar o método que emprega para impartir as súas clases, falando sobre a guitarra e todas as posibilidades que ofrece. A clase será o 22 de marzo, de 18:30 a 20:30 horas na Aula de Ensaio da Casa da Mocidade.
A inscrición nestas clases maxistrais é de balde, tal e como recordou Santalla, que animou a que o colectivo ao que se dirixe se inscriba nas mesmas.
