Galicia Ártabra Digital Noticias de Ferrol y la comarca de Ferrolterra.
A campioa olimpica en salto de altura Ruth Beitia, visita este mércores 14 a cidade de Ourense na que estará realizando unha visita polas escolas de atletismo da cidade e as súas contornas.
A cita enmárcase dentro das accións de promoción do Campionato de España de Atletismo Absoluto indoor que se celebrará en Ourense esta fin de semana e na que xuntará desde o venres ata o sábado, aos máis importantes atletas estatais do momento entre os que se atopan as galegas Belén Toimil, a medallista olímpica Ana Peleteiro e ao finalista no pasado mundial de atletismo Adrián Ben.
O itinerario de visita será o seguinte:
17:00 Complexo Deportivo de Monterrei Escola Atlética Pereiro de Aguiar Ben Cho Shey
18:00 Pista Campus de Ourense Club Deportivo La Purísima
19:00 Módulo Atletismo Pavillón dos Remedios Club Ourense Atletismo
Palmarés
Ruth Beitia é a atleta feminina máis importante da historia do atletismo español. Nacida en Santander no ano 1979 acumula un importantísimo palmarés no que destaca o título de campioa olímpica en Río-2016 e medalla de bronce nos Xogos de Londres-2012.
A maiores conta con nada menos que cinco medallas en Campionatos do Mundo, e nove medallas en campionatos de Europa das cales nas edicións de Helsinki-12; Gotemburgo-13, Zurich-14, Amsterdan-16 saldaríanse con triunfos para a española.
