O Concello de Narón organiza unha exposición sobre saúde mental

O Concello de Narón organizou unha exposición sobre saúde mental que se pode ver ata o vindeiro 10 de decembro, nas instalacións do Centro Comercial Odeón.

A iniciativa, tal e como recordou a edil de Igualdade, María Lorenzo, enmárcase dentro do programa municipal Cóidate. A mostra consta de sete displays e un photocall. Nos primeiros realízase un repaso en cifras sobre como está a nivel nacional a saúde mental e compártense frases que incitan á reflexión sobre estereotipos vencellados coa saúde mental.

A guía de recursos para a saúde mental editada polo concello naronés se pode consultar a través do enlace: https://www.naron.es/web/cat/es/ayuntamiento/salud-mental.

Esta guía, tal e como recordou a edil naronesa, elaborouse este ano en colaboración coa área de Saúde Mental da Área Sanitaria de Ferrol, o centro de saúde de Narón e diversas asociacións da comarca.

A guía contén información “que pode ser de gran axuda para persoas que están atravesando problemas de saúde mental, as súas familias e tamén profesionais”, indicou María Lorenzo. En canto ao photocall instalado na exposición, permite que calquera persoa que se ahegue poida realizar unha fotografía e compartila en redes sociais, dando publicidade e ao tempo difusión a esta iniciativa.

Con esta finalidade pode empregar o hagstag: #naroncoasaudemental.

“Queremos concienciar á cidadanía en xeral sobre un tema tan relevante como a saúde mental, e en complemento a todo o traballo que levamos feito dende o Concello apostamos agora por esta exposición na que amosamos unha parte dese traballo para que se visibilice esta doenza”, subliñou.

Lea también

Apertura en Narón do prazo de matrícula nas tres escolas infantís municipais

A concelleira de Ensino Olga Ameneiro anunciou que este venres 1 de marzo, abre o prazo de …