Valdoviño-Reestablecida a totalidade da rede de iluminación pública no lugar das Penas, en Sequeiro

O Concello de Valdoviño reestableceu toda a rede de iluminación pública no lugar das Penas, na parroquia de Sequeiro. Tras detectarse un importante problema nesta liña, a Administración local procedeu a regularizar a instalación coas correspondentes obras.

Así mesmo, e unha vez realizados os trámites con Fenosa primeiro, e coa Consellería de Industria despois, a día de hoxe puido repoñerse toda a liña.

Dende o Concello quere agradecerse especialmente a paciencia dos veciños e veciñas afectados por esta situación.