Galicia Ártabra Digital Noticias de Ferrol y la comarca de Ferrolterra.
A mañá do venres será diferente para 1.800 nenos e nenas dos centros escolares da comarca, coma tamén dos maiores de Geriatros, na terceira edición de “Ferrol, de froles cuberto” que terá lugar na Praza de España a partir das 10:30 horas e que foi presentada polo concelleiro de Educación, Suso Basterrechea e o coordinador de equipos de normalización lingüística, Xil López.
“O obxeto é reivindicar as nosas tradicións, cunha convivencia entre todos os centros escolares públicos e concertados de Ferrolterra”, manifestaba Suso Basterrechea, para seguir mantenido “a celebración dos Maios no ámbito escolar.”
O concelleiro recordaba que “o ano pasado o evento foi fermoso”, en un festexo “de maneira colectiva, sempre baixo a defensa da nosa lingua.”
Xil López quería resaltar o incremento de centros escolares participantes nesta edición “porque o ano pasado foron trece centros educativos, e neste ano serán dezasete”.
No evento haberá dous bloques con oito actuacións dos centros escolares e no intermedio actuará Paco Cerdeira “Pakolas”, cunha cantiga feita especialmente para este evento e que cantará con todos os escolares. Ademáis neste descanso colaborará Gadis, entregando a todos os escolares una mazá e una botella de auga de maneira gratuita.
